Tuesday, September 30, 2014

Gamot sa ubo at sipon

Nitong nakaraang Huwebes (Setyembre 25/)
naramdaman ko ang pag ubo. Masikip ang  aking pag - ubo at nasundan pa ito ng pagbabara ng aking ilong,  sinisipon na rin ako.  Inisip ko kung saan ko kaya nakuha itong pag-ubo at sipon.  

Ito kaya ay galing sa pagbabago ng klima, dahil dito sa Canada tapos na ang summer at lumamig na rin mula sa 10- 15 degrees pero umiinit pa rin kaya baba at taas pa rin ang temperatura kaya't isa ito sa posibleng pagmulan ng ubo at sipon. Naisip ko rin na na- puwesto ako sa aking trabaho nuon pang nakaraang sabado at linggo  sa paradahan ng TTC buses at marahil nalanghap ko ang usok at posibleng may mga chemikal na aking nalanghap at hindi ito kaagad naalis, kung kaya't nuon pa ay may naramdaman na akong paninikip. 

Naisip ko na kailangan mawala ang masikip na pag-ubo at sipon dahil may dadaluhan kaming party kinabukasan at kung di mawawala ito di na ako makakasama dahil palagian na lang akong uubuhin sa party. Kaya't pinag isipan ko ang dapat na inumin tumingin ako sa hanay ng aking nasaliksik na at natunghayan ko nga ang natural na paggagamot na available na sa bahay at di na kailangan pang lumabas at bumili. 

Mga iinumin para sa Ubo at Sipon; 


1. Magdikdik ng ilang pirasong bawang, ilagay ito sa kutsara at lagyan ng isang kutsaritang honey at ito ay inumin. Magsisilbi ang bawang na "antibiotic" dahil sa sangkap ng bawang

2. Magpakulo ng isang pirasong luya kasinlaki ng daliri sa dalawang tasang tubig. Pagkatapos pakuloan, palamigin at ito ay haluan ng
kalamansi at ito ay inumin. Gawin ito hanggang lumuwag ang masikip na ubo. Magsisilbi itong expectorant para matunaw ang plema at lumuwag ang pag-ubo. 

3. Kung mayroon "virgin coconut oil" magbabad ng isang kutsaritang "virgin coconut oil" sa bibig at ibabad ito ng 15 minuto. Ang plema sa lalamunan ay kumakapit sa VCO at makalipas ang 15 minuto maaari nang idura ang VCO.


Ang nasaad na pamamaraan ay aking ginawa at sa loob ng dalawang araw ay naramdaman ko na ang pagbabago, kaya tinuloy ko ito hanggang sa mawala nang tuluyan ang ubo at sipon. Nakadalo din ako sa party sa araw ng Sabado. 

Kaya't mahusay ang natural na paraan, mura na sigurado pa. Kaya kung mayron kayong karanasan o mairekomendang mga solusyon sa ordinaryong sakit magkomentaryo lang po dito sa "SPH" para mailathala natin ito. 

NATURAL NA ANTI- BIOTIC MULA SA ISANG CONTRIBUTOR SA FACEBOOK -  winter sore throat tea 

.....makes about 2 cups

1. Two lemons thoroughly cleaned and sliced
2. Two piece of ginger about the size of your pointer and middle finger together sliced into coin size pieces
3. Honey (about 1 cup or Your preferences)
(I also add ground cinnamon- about a teaspoon)
In a 12-16 oz. jar combine lemon slices and sliced ginger.
Pour honey (organic is best) over it slowly. This may take a little time to let the honey sink down and around the lemon and ginger slices. Make sure when the honey has filled in all the voids, there is enough to cover the top of the lemon slices.
Close jar and put it in the fridge, it will form into a "jelly". To serve: Spoon jelly into mug and pour boiling water over it.
Store in fridge 2-3 months.